Finfinnee, Hagayya 26/2022- Mootummaan Federaalaa ibsa har’a baaseen jiraattonni Tigraay iddoo meeshaan waraanaa kuufame, leenjii waraanaa irraa akka fagaatan gorseera.
Ibsichi mootummaan nageenyaaf “balbala banaa” ta’us humnoonni Tigiraay haleellaa itti fufanii jiru jechuun himateera.Kanaafuu, mootummaan haalduree tokko malee marii akka taa’u waamichi dhiyeesse akkuma jirutti, “humnoota waraanaa madda miira farra nageenyaa wayyaanee ta’an irratti xiyyeeffachuun tarkaanfii ni fudhata.” jedhe.
“Ummanni keenya naannoo Tigraay jiraatu,naannoo meeshaaleen waraanaa fi bakki leenjii wayyaanee itti argamu irraa akka fagaatu” waamicha dhiyeessee jira. AS
