Finfinnee, Hagayya 6/2022-Poolisiin Federaalaa Itoophiyaa maallaqa biyya alaa biyyoota adda addaa karaa seeraan alaa socho’aa ture gargaasa hawaasaa fi qaamolee nageenyaa waliin ta’uun magaalaa Finfinneetti Jimaata Hagayya 5, 2022 to’achuu ibseera.
Tarkaanfii kanaan Doolaara Ameerikaa 27, 491, Yuuroo 15, 325, Paawundii Isteerliingi 680 , Nakqaa Eertiraa 6 689, Firaankii Siwiizarlaand 5,200, Angoolaa Kuwaanzaa 500, Riyaal Qatar 1,680, Kiroonii Noorweey 1,000 fi kitaabota qusannaa baankii birrii 49,735 waliin too’achuu ibse. Kanaan walqabatee shakkamtoonni 71 to’annoo jala oolaniiru. Poolisiin Federaalaa qorannoon gaggeeffamaa jiraachuu beeksise.
Hawaasni bal’aan dhiibbaa qabiinsi maallaqaa seeraan alaa diinagdee biyyaalessaa irratti qabu furuuf hawaasni humnoota nageenyaa waliin ta’uun gochaa akkanaa akka saaxilu Poolisiin Federaalaa waamicha dhiyeessee jira. AS
