Suuraa: Mana Maree Bakka Bu’oota Uummataa
Manni Marichaa walga’ii addaa har’a gaggeesseen muudama namoota 11 komishinaroota Komishinii Maree biyyaaleessaa jechuun muudeera.
Bakka bu’ootni uummataa 5 sagalee hin kennine, Muudamichis sagalee caalmaan ragga’eera jedhame Isaanis;- .
1. Proofeesar Masfin Aarayaa,
2. Aadde Hiruut Gabrasilaasee Odaa
3. Dooktar Tagenye Warqi Geetuu Mangashaa
4. Ambaasaaddar Dooktar Ayifoorit Mahaammad Yaasin
5. Aadde Bileen Gabramadin Yoosee
6. Dooktar Yoonaas Adahee
7. Obbo Zagayyee Asfaaw Abdii
8. Obbo Malaakuu Waldamaariyaam
9. Ambaasaaddar Mahaammad Diriir
10. Obbo Mulgeetaa Agoo fi
11. Dooktar Ambaayee Ogaatoo Aanaataan Komishinar Komishinii Marii biyyaalessaa taasiisuun moggaaseera.
Manni Maree Bakka Bu’oota Ummataa Walga’ii addaa 2ffaa Muddee 29, 2021 gaggeesseen labsii hundeeffama Komishinii Maree Biyyaalessaa lakkoofsa 1265/2014 sagalee caalmaan raggaasiisuun ni yaadatama.
Sana hordofee Hawaasni Kaadhimamtoota Komishinara Komishinii Marii biyyaalessaa akka eeran taasiisuun eeruun namoonni 600 ol dhiyaachuun kaadhimamtoonni dhuunfaan 42 hawaasaaf dhiyaachuun yaadni akka itti kennamuuf maqaan isaanii hawaasaf ibsamee ture. Kanneen keessaa kan ulaagaalee barbaachisu sadarkaa olaanaan guutaan 11,tu mana marichuun raggaasifamee jedhame.
Haa ta’u malee paartileen siyaasaa hedduuni fi dhaabbileen hawaasaa adda addaa adeemsa filannoo komishiinaroota irratti qeeqa qaban dhiyeessun paarlamaan raggaasisuun dura adeemsa sirrachuu qabu jedhan akka sirressu yaada kaasaa turaniiru.
Guraandhala 14,2022, Manni Maree Waloo paartilee siyaasaa, kan miseensota paartilee siyaasaa seeran galmaa’an 53 ol ta’an, paartii biyya bulchaa jiru Paartii Badhaadhinaa of keessa qabu ibsa baaseen adeemsi filannoo Komishiinaroota Komishiinii marii biyyalessaa mana maree bakka bu’oota uummatatiin gaggeeffamaa jiru”yeroof akka dhaabatu” gaafateera. Dhimmicha irratti paarlamaan haala “hirmaachisaa fi amanamummaa qabuun “ akka itti fufu qabu eerera ibsa isaatin.
Paartileen mormitootaa gurguddoon sadii Kongireensiin Federaalaa Oromoo(KFO), Addi Bilisummaa Oromoo(ABO) fi Addi Bilisummaa Biyyaalessa Ogaadeen(ABBO) adeemsi filannoo komishiinarootaa kunneen isaan biratti walaba,miti, hin beekamu akkasumas bakka bu’aa hin qabu jechuun isaani ni yaadatama. Kana malees Dhaabbileen hawaasaa Oromoo jaatamaa ol ta’an hundeeffamuu Komishiini Marii Biyyalessaa Itoophiyaa ilaalchisuun ibsa basaniin, akkataa amanamuummaa uumuun marii dhugaatiif haala ni mijeessuu danda’uu ta’uu akka qabu hubachiisanii turan.AS
